Heimið verður umleið 1.000 fermetrar til víddar og skal hýsa seks búplássum, seks umlættingarplássum, eini virkniseind við upp til 15 brúkarum, og eini starvsfólkaeind.

Fólk við autismu eru sera ymisk og hava hvør sín serstakan tørv, sum heimið skal kunna rúma. Búfólkini skulu kenna seg væl í heimligum og tryggum umhvørvi. Somuleiðis skal heimið vera opið fyri heimabúgvandi børnum og ungum við autismu, har hesi koma á virkniseindina at gagnnýta ymsar hentleikar, sum eindin hevur at bjóða.

Freistin at lata inn tilboð er 18. juli klokkan 14.00.

Útbjóðingartilfarið kann heintast á hesi leinkju:
https://www.ibinder.com/External/EnquiryLink.aspx?id=nyrfmwwnkj                         

Útbjóðingartilfarið er alment tøkt á iBinder til tilfarið skal latast inn 3. juli 2018 klokkan 13.00. Lesið meira um hetta undir "Útboð" á heimasíðuni her
 

Freistin at lata inn umsókn um undangóðkenning er 29. juni 2018. Lesið meira um mannagongdina í sambandi við undangóðkenning og menningartilgongdina undir "Útboð" á okkara heimasíðu her

Asfaltarbeiðið fevnir um Froðbiarvegin og vegin til Fámjin. Inn kom eitt tilboð, ið var frá Kreton á kr. 636.398,-

Tilboðið er kannað, og tikið verður av hesum tilboði.

Og sigast má, at bæði yngri og eldri hugnaðu sær hetta frálíka mentanarfríggjakvøldið í høvuðsstaðnum.

Børnini, sum royndu seg við fjarstýrdum bilum og at byggja torn úr trækubbum, høvdu møguleika fyri at vinna ein kassa við legokubbum. Her gjørdust hepnu vinnararnir, Mira M. Brøðraberg og Oliver Sirkovsky.

Her eru myndir, sum HeinesenMyndir tók á Landsverki undir Mentanarnáttini. Trýst á fyrstu myndina niðanfyri, sum gerst størri, og blaða síðani við pílinum.

Veganetið í Føroyum er væl útbygt, men ferðslutrygd eiga vit við jøvnum millumbilum at varpa ljós á. Serliga umráðandi er tað eisini at kunningin røkkur út til fremmandu bilførararnar, sum nú bara økjast í tali á føroysku landsvegunum.

Sum avvarðandi stovnur av landsvegakervinum arbeiðir Landsverk áhaldandi fyri, at ferðslan skal glíða so væl og trygt, sum tilber. Hetta merkir eisini, at øll, sum nýta infrakervið, vísa neyðugt varsemi.

Summarið er tann árstíðin, har flest útlendsk ferðafólk leita sær hendanvegin við bili. Flestu teirra kenna ikki føroysku ferðsluna og hava lítlar ella ongar royndir við teimum serligu fyribrigdunum, ið eru eyðkend fyri okkara infrakervi og ferðslu sum heild. Til dømis vansan við seyði á vegunum og einbreytaðir vegir og tunlar.

Við ferðslutrygd fyri eyga gjørdi Landsverk tí fyri nøkrum árum síðani ein film, ið beinleiðis vendir sær til útlendingar.

Filmurin, sum nú er dagførdur, viðger tey atlit, sum allir bilførarar eiga at taka, tá koyrt verður í Føroyum. Talan er um ein teknifilm, sum á greiðan hátt vísir nakrar støður, ið allir bilførarar kunnu koma út fyri á føroyska infrakervinum. Ikki minst hvussu einstaki bilførarin best tekur hædd fyri slíkum støðum og kemur best burtur úr teimum.

Í sambandi við framleiðsluna av filminum heitti Landsverk á ferðaskrivstovur, bilútleigarar og aðrar veitarar innan føroysku ferðavinnu, at kunna ferðafólk um filmin og sýna hann, har tað ber til. Hendan áheitanin stendur framvegis við.

Filmurin, sum sjálvandi er á enskum máli, kann síggjast við at trýsta á myndina omanfyri greinina.

Tilhoyrandi faldari kann takast niður á hesi leinkju

Talan er sostatt um tvey asfaltarbeiðir á ávikavist 4,1 km millum Hósvík og Kollafjørð og umleið 1 km við Tjørnunes.

Úrslitið:

Asfaltering Hósvík – Kollafjørð
EM Asfalt kr. 5.846.467
HJ Asfalt  kr. 4.367.927,-
KRETON  kr. 5.706.235,-
Meting LV kr. 4.083.780,-

Asfaltering Tjørnunes
EM Asfalt kr. 1.333.672,-
HJ Asfalt  kr. 1.098.950,-
KRETON  kr. 1.394.025,-
Meting LV kr. 903.135,-

Tað var HJ Asfalt, sum í báðum førum hevði lægsta tilboðið.

Trýst á myndina omanfyri og síggj og hoyr, hvussu hátíðarløtan fór fram, og hvat borgararnir siga til, at teir um fá ár sleppa at koyra ígjønum ein nýggjan og nýmótans tunnil millum Hvalba og Trongisvág.

Sí eisini leinkju til tíðindaskriv og myndafrásøgn frá hátíðarhaldinum her.

Seinnapartin mánadagin varð spaki settur í fyri nýggju farleiðini til íbúgvarnar í Hvalbiar kommunu. Hetta hendi, tá tveir eldri borgarar úr ávikavist Nesi og Trongisvági, sum báðir eru farnir væl upp um níti ára aldur, settu fyrsta spakan í fyri arbeiðsvegnum móti komandi tunnilsmunnanum hvalbiarmegin.

Veðrið var av tí fræga við eitt sindur av vindi, men helt sær turt, til alt var liðugt. Almenna tiltakið hevði savnað nøkur hundrað fólk inni í dalinum, har arbeiðsvegurin byrjar.

Ewald Kjølbro, stjóri á Landsverki, legði vegna byggiharran fyri við at bjóða vælkomin. Hann fegnaðist um, at tað umsíðir er komið hartil, at skjøtil kann setast á hesa leingi eftirlýstu verkætlanina við eini nýggjari farleið millum Hvalba og Trongisvág.

Síðani fekk Hendrik Old, landsstýrismaður í samferðslumálum, orðið, og hann segði millum annað:

- Leingi er tað, ið væl skal vera, og hetta hevur veruliga verið drúgt at bíða eftir. Í Føroyum tekur tað oftani langa tíð at tosa um tingini, áðrenn mann handlar. Tosað hevur verið í mong ár um Kolavegin, um hvussu vánaligur hann er, og hvussu smalur tunnilin er. Hetta er tí ein stór løta fyri bæði hvalbingar, sandvíkskingar og allar suðringar, at vit umsíðir kunnu seta spakan í.

Stórhending fyri hvalbingar
Sum vera mann var eisini frøi á borgarstjóranum í Hvalba, tá hann lýsti týdningin av eini betri farleið fyri bæði borgarar og vinnulív í Hvalbiar kommunu.

- Hetta er einki minni enn ein stórhending, tí eins og várið boðar frá sumri og lýðku, boðar nýggi Hvalbiartunnilin frá, at vit fara inn í nýggjar tíðir, har avbjóðingar, sum liggja fyri framman, ikki eru darvaðar av eini ótíðarhóskandi farleið, segði Janus Vang.

Tvøroyrar kommuna var undir hátíðarhaldinum umboðað av varaborgarstjóranuum.

- Í dag taka vit eitt nýtt og trygt fet inn í framtíðina. Tað er mær ein stór gleði vegna Tvøroyrar kommunu at standa her saman við tykkum og hátíðarhalda, at spakin nú verður settur í fyri atkomuvegnum, segði Anita Vibergsdóttir, varaborgarstjóri, í síni talu.

Síðani var gjørt klárt til at loysa fyrsta flagið við einum spaka, sum við dagsins hátíðarliga høvi var silvurgyltur. Landsstýrismaðurin hevði biðið tveir eldri borgarar í Hvalbiar- og Tvøroyrar kommunum, Allon Næs úr Nesi, og Dánjal av Rana úr Trongisvági, at loysa fyrsta flagið. Síðstnevndi var sum maskinførari við til at gera verandi tunnil fyri umleið 55 árum síðani.

Eftir hetta og nógvar lógvabrestir bjóðaðu Hvalbiar kommuna og Landsverk til kaffi og tunnilskøkur í Roynhøllini.

Hædd tikin fyri suðuroyarleið
Í lógaruppskotinum til nýggjan Hvalbiartunnil við tilhoyrandi vegum stendur, at tað leingi hevur ligið í kortunum, at nýggjur Hvalbiartunnil skal gerast.

Verandi tunnil var sum tann fyrsti og harvið elsti tunnilin í landinum liðugur í 1963. Síðani eru nakrar dagføringar gjørdar, men tunnilin er lágur og einbreytaður. Farleiðin liggur høgt, og vegurin er bæði smalur og brattur.

Hvalbiartunnilin lýkur ikki dagsins krøv til trygd, dygd og ferðslu, og verandi farleið er ein forðing fyri vinnumenning og útbyggingum norðan fyri tunnilin, verður sagt í viðmerkingunum til lógaruppskotið. Tað er tí stórur tørvur á at fáa eina tíðarhóskandi farleið millum Hvalba og Trongisvág.

Sagt verður eisini, at verkætlanin er framtíðartryggjað, soleiðis at hædd verður tikin fyri eini framtíðar suðuroyarfarleið.

Tunnilin verður umleið 2,5 kilometrar langur og fer at ganga frá Niðastabotni í Hvalba til Gjánhamar í Trongdisvági . Tilkoyringarvegirnir verða tilsamans 3,3 kilometrar. Umleið 2,3 kilometrar hvalbiarmegin og 1,0 kilometur trongisvágsmegin.

Tunnilsmunnarnir fara at liggja í ávikavist 70 metra hædd móti Hvalba og umleið 100 metrar móti Trongisvági.

Sambært verklagslógini eru byggiútreiðslunar ásettar til í mesta lagi 272 mió. krónur.
 
Við at trýsta á fyrstu myndina niðanfyri, gerst hon stór, og tá ber at blaða allar myndirnar ígjøgnum í fullari stødd.

(Myndir: HeinesenMyndir / Landsverk ©)   
 

SÍ EISINI VIDEO FRÁ HÁTÍÐARHALDINUM HER.

Ólavsøkudag verður umsitingin av familjumálum føroyskt málsøki. Landsverk heitir við hesum á fyritøkur um at geva tilboð upp á veiting av innbúgvi til nýggju Familjufyrisitingina, sum fer at húsast á Bryggjubakka í Havn. Lesið meira um sjálvt útboðið undir "Útboð" á okkara heimasíðu her

Dagurin nærkast, har Glasir kann takast í nýtslu, og næmingar, lærarar og starvsfólk annars sleppa at flyta inn í sambandi við skúlaársbyrjan eftir summarfrítíðina.

Áhugin fyri hesi størstu bygningsverkætlan í Føroyum nakrantíð, sum heimskenda danska arkitektafyritøkan, BIG – Bjarke Ingels Group – hevur teknað, og sum Landsverk er byggiharri á, er  stórur. Glasir verður kanska ikki okkara “Sydney Opera House”, men hvør veit, um hesin ikoniski bygningur ikki fer at draga í rúgvuvís av ferðafólki hendanvegin við áhuga fyri arkitekturi. Á fremmandamáli nevnt “architourism”.

Sum tað kom fram í onkrum av fjølmiðlunum herfyri, er nú eisini bygt eitt lego-modell av bygninginum. Modellið verður sýnt fram í nýggja Lego høvuðssætinum í Billund, sum má sigast at vera ein ógvuliga forkunnugur sýnisgluggi at fáa til hesa verkætlan. Sigast skal, at talan er um í alt 10 verkætlanir hjá BIG, sum eru gjørdar í Lego-modelli. Hetta er komið í kjalarvørrinum av, at BIG hevur teknað nýggja høvuðssætið hjá Lego-samtakinum í Billund.

Modellið, sum er umleið 1x1 metur til støddar, stendur í framsýningarhølunum hjá Lego í Billund, og tað er føroyingurin, Helgi Toftegaard, sum hevur bygt legobygningin av Glasi.

Tað er ikki smávegis uppgáva at fara undir at gera eitt slíkt modell. Hóast føroyingurin ikki burturav hevur arbeitt við at byggja modellið, so metir hann seg hava brúkt tað, sum svarar til umleið 10 arbeiðsvikur at fáa tað gjørt.

(Mynd: BIG)

Umbyggingin av tí partinum av Sjóvinnuhúsinum, sum Fróðskaparsetrið skal halda til í, er nú liðug. Tað vil siga onnur, fjórða og fimta hædd, har Deildin fyri Heilsu- og Sjúkrarøktarvísindi og Náttúruvísindadeildin á Fróðskaparsetrinum longu eru fluttar inn.

Umframt skúlastovur og bólkarúm eru skrivstovur, fundarhølir og allir teir fasilitetir nú til staðar, sum skulu til fyri at skapa eitt gott lestrarumhvørvi. Millum annað eisini fyrilestrarsalur og ein matstova.

Almenna móttøkan verður hildin í silo'ini í Sjóvinnuhúsinum í dag fríggjadagin tann 4. mai klokkan 10.30.

Skráin fyri hátíðarløtuna er hendan:
10.30  Móttøkan byrjar

Røðarar undir hátíðarløtuni:
Rigmor Dam, landsstýriskvinna í mentamálum
Annika Olsen, borgarstjóri í Tórshavnar kommunu
Sigurð í Jákupsstovu, rektari á Fróðskaparsetri Føroya
Ewald Kjølbro, stjóri á Landsverki
Ólavur Ellefsen, stýrisformaður á Fróðskaparsetri Føroya

Øll eru hjartaliga vælkomin at síggja nýggju umstøðurnar hjá Setrinum og fáa sær ein góðan kaffimunn.

Mongu bygningarnir í Føroyingahavnini eiga at verða tiknir niður og burturbeindir. Tað er niðurstøðan hjá kanningarliðnum, ið hevur gjørt rannsóknarferð til Grønlands at kanna støðuna á gomlu Nordafarstøðini – best kend sum Føroyingahavnin. Í gjár hevði kanningarliðið eina almenna framløgu á Tjóðsavninum í Brekkutúni í Hoyvík.

Kanningarliðið vísir á, at síðani fyrst í áttatiárunum eru hvørki hús, úthús, barakkir ella virkishús í gomlu Føroyingahavnini røkt ella hildin við líka. Bæði slit og víðfevnt herverk hava við sær, at meginparturin av bygnings- og býlishópinum ikki stendur til at bjarga. Í síni niðurstøðu staðfestir kanningarliðið, at hóast tað verður mett, at einstakir partar av Nordafar-støðini kunnu varðveitast, so umboða hesir so lítlan part av heildini, at tað tænir ongum endamáli at gera og seta í verk eina varðveitingarætlan fyri so avmarkaðan part av støðini.

Hinvegin ber til at varðveita eitt nú betonggólv og -grundir og maskin- og kompressararúm, ið kunnu vísa Føroyingahavnina sum eitt ídnaðarminni frá nýggjari tíð.

Tá ið støðin bæði hevur søguligan og andligan týdning, mælir stýrisbólkurin til, at eitt grønlendskt-føroyskt granskingarsamstarv fer undir skjalfesta sínámillum sambandið millum føroyingar og grønlendingar í tíðini eftir krígslok og fram til dagin í dag.

Fyri framløguni á Tjóðsavninum í Brekkutúni stóðu Helgi Johannesen, byggifrøðingur, Bárður Dam í Baianstovu, arkitektur, báðir frá Landsverki, og Erland Viberg Joensen, Tjóðsavnið, sum vóru við í kanningarliðnum, ið hevur skrásett standin á Føroyingahavnini.

Umleið 130 fólk høvdu leitað sær oman í nýggju og snotuligu auluna, sum er ovasti parturin í saltsilo’ini í Sjóvinnuhúsinum á Vestaru Bryggju, har móttøka var í sambandi við, at partur av Setrinum er fluttur inn har.

Tey flestu mundu vera á einum máli um, at talan er um eina sera væl eydnaða umbygging av Sjóvinnuhúsinum, sum umframt tveimum deildum hjá Fróðskaparsetri Føroya, millum annað eisini fer at hýsa bæði Framtak, Vinnuframa, Hugskotinum, Klippfisk og Filmshúsinum.

Eftir at Sigurð í Jákupsstovu, rektari, hevði bjóðað vælkomin, fekk Rigmor Dam, landsstýriskvinna í mentamálum, orðið. Hon duldi ikki fyri, at hon er nøgd við loysnina, sum tó ikki er ein endalig loysn fyri Setrið, tí málið er at fáa bygt eitt veruligt universitetskampus.

- Tá eg tók við í Mentamálaráðnum í 2015, hevði Fróðskaparsetur Føroya júst havt 50 ára føðingardag. Tá vóru røður og kvøður fluttar fram, og allar komu onkursvegna inn á tann nýggja Setursbygningin, sum koma skuldi. Fróðskaparsetrið hevði sprongt karmarnar, og nú máttu nýggj høli útvegast, og sum landsstýriskvinna á økinum setti eg mær fyri at gera nakað við hesi viðurskiftini beinanvegin. Og hyggið nú. Nú standa vit her mitt í eini saltsilo, sum er umbygd til auditorium, segði landsstýriskvinnan.

Rigmor Dam vísti tó á, at hetta ikki er ein endalig loysn fyri Setrið, ið húsast á tíggju ymsum adressum, hóast hetta loysir bráðfeingis hølistørvin og sostatt er ein góð byrjan.

Ein kampusbólkur arbeiðir í løtuni við at fyrireika byggingina av einum nýggjum Fróðskaparsetri.
- Eg síggi fyri mær, at vit innan 10 ár fáa eitt universitet, sum vit kunnu vera errin av hundrað ár fram í tíðina, segði landsstýriskvinnan í mentamálum.

Eftir Rigmor Dam fekk Annika Olsen, borgarstjóri í Havn, høvi til at siga nøkur orð.

- Vit hava sum mál at gera Tórshavn til lestrarbý, og sjálvt um vit sum kommuna ikki beinleiðis varða av hesum, so ynskja vit at ganga fremst í strembanini eftir hesum máli, segði borgarstjórin millum annað.

Triði røðarin var Sigurð í Jákupsstovu, rektari á Setrinum.

- Umframt at geva frálæru á føroyskum í klassiskum frøðigreinum, skal universitetið menna frøðigreinarnar víðari og taka støðu í okkara egna veruleika, samtíð og fólki. Hetta kann gerast á óteljandi hættir. At flyta inn í Sjóvinnuhúsið hevur stóran týdning í hesum sambandi, segði hann.

Síðani kom túrurin til Ewald Kjølbro, stjóra á Landsverki.

- Tað kennist væl at standa her í dag og síggja teir stásiligu karmarnar, sum Fróðskaparsetrið nú kann bjóða sínum lesandi og starvsfólkum. Eisini kennist tað væl at seta punktum fyri nøkrum, sum ein hevur verið við til at skapa. Nakað sum vit øll kenna  bæði privat og í arbeiðslívinum. Tað er altíð ein góð kensla at koma á mál, segði Ewald Kjølbro.

Hann nýtti somuleiðis høvi til at takka øllum teimum, sum hava verið við í verkætlanini, fyri gott samstarv. Tað veri seg avvarðandi myndugleikum, ráðgevandi, arbeiðstakarum og øðrum, ið hava havt sín leiklut.

Tann seinasti, ið fekk orðið undir móttøkuni, var Ólavur Ellefsen, stýrisformaður á Fróðskaparsetri Føroya.

 - Búskaparliga hava fróðskaparsetur ómetaliga stóran týdning. Óteljandi kanningar vísa, at peningur, sum vit brúka til hægri lestur og gransking, kasta íløguna fleirfalt aftur, segði Ólavur Ellefsen.

Hann vísti á eina kanning av 15.000 hægri lærustovnum, ið vísti, at um tú tvífaldar íløguna til hetta økið, so veksur bruttotjóðarúrtøkan í miðal fýra prosent um árið, og tað er øgiliga nógv, staðfesti stýrisformaðurin.  

Umframt skúlastovur og bólkarúm eru skrivstovur, fundarhølir og allir teir fasilitetir nú til staðar, sum skulu til fyri at skapa eitt gott lestrarumhvørvi. Millum annað eisini fyrilestrarsalur og ein matstova. Tað eru Deildin fyri Heilsu- og Sjúkrarøktarvísindi og Náttúruvísindadeildin á Fróðskaparsetrinum, sum longu eru fluttar inn í Sjóvinnuhúsið.

Við at trýsta á fyrstu myndina niðanfyri, gerst hon stór, og tá ber at blaða allar myndirnar ígjøgnum í fullari stødd.  

Myndir: HeinesenMyndir/Landsverk

Landsverk heitir hervið á tykkara fyritøku at geva tilboð upp á veiting av bitumen 160/220 sambært EN 12591 til goymsluna hjá Landsverki í Hósvík í juni 2018 við optión at keypa 1.500 tons 65/105-60 PMB í 2019.

Útboðið verður framt sum eitt alment útboð sambært rundskrivi um keyp av vørum og tænastum nr. 9000 frá 1. Juli 2016. Lesið meira um útboðið undir "Útboð" á okkara heimasíðu her

Umbyggingin av tí partinum av Sjóvinnuhúsinum, sum Fróðskaparsetrið skal halda til í, er nú liðugur. Tað vil siga onnur, fjóðra og fimta hædd. Tað eru Deildin fyri Heilsu- og Sjúkrarøktarvísindi og Náttúruvísindadeildin á Fróðskaparsetrinum, sum eru fluttar inn her.

Umframt skúlastovur og bólkarúm eru skrivstovur fundarhølir og allir teir fasilitetir nú til staðar, sum skulu til fyri at skapa eitt gott lestrarumhvørvi. Millum annað er ein fyrilestrarsalur eisini og ein matstova.

Almenna móttøkan verður hildin í silo'ini í Sjóvinnuhúsinum nú fríggjadagin tann 4. mai klokkan 10.30 - 12.00.

Skráin
10.30       Móttøkan byrjar

Røðarar
Rigmor Dam, landsstýriskvinna í mentamálum
Annika Olsen, borgarstjóri í Havn
Sigurð í Jákupsstovu, rektari á Fróðskaparsetrinum
Ewald Kjølbro, stjóri á Landsverki
Ólavur Ellefsen, stýrisformaður á Fróðskaparsetrinum

Øll eru hjartaliga vælkomin at síggja nýggju umstøðurnar hjá Fróðskaparsetrinum og fáa sær ein góðan kaffimunn.

Tá farið verður undir at byggja, verða atlit ikki altíð tikin at framtíðar rakstri og nýtslu. “Commissioning” mannagongdin leggur dent á at hava hesi atlit við í allari byggitilgongdini. Eisini verður dentur lagdur á at tryggja, at tøkniligar skipanir verða eftirkannaðar leypandi, meðan bygt verður. Við hesum tryggjar tú, at atlit eisini verða tikin at orkunýtsluni og inniluftini í bygninginum. Harumframt tryggjar tú eisini, at karmarnar um virksemið í bygninginum eru vælvirkandi, og at eingir manglar og feilir eru, tá bygningurin verður handaður brúkarunum.

Tað verða Rolf Simonsen frá Værdibyg, og Dávid Reinert Hansen, verkætlanarleiðari á Sundsverkinum, sum  leggja fram um hetta evnið. Møguleiki verður eisini at seta spurningar.

Talan er um eitt óformelt og upplýsandi tiltak, har tú eisini fært møguleikan at hitta onnur í byggivinnuni.

Tiltakið verður í kantinuni hjá Landsverki á Tinghúsvegi 5, hósdagin 19. apríl, kl. 15.00.

Vit gleða okkum at síggja teg.

Landsverk hevur leingi havt greiðar ætlanir liggjandi fyri at loysa avbjóðingarnar við øktu ferðsluni í sambandi við Eysturoyartunnilin, sum koyrandi verður ígjøgnum í 2020.

Innkomuvegurin
Innkomuvegurin til Havnar hevur ligið í kortunum í fleiri ár, orsakað av skjótt vaksandi ferðsluni eftir Hvítanesvegnum. Nýggi Innkomuvegurin er enn meira átrokandi at gera, nú ein nýggj farleið við øktari ferðslu kemur til og úr høvuðsstaðnum.

Teinurin av Innkomuvegnum frá Kaldbaksvegnum til Villingardalsvegin er mettur at kosta 115 mió. krónur. Harumframt eru brúktar umleið 36 mió. krónur til hendan teinin. Ein hóskandi játtan til hetta kundi verið góðar 50 mió. krónur um árið í 2 ár ella knappar 40 mió. krónur um árið í 3 ár, frá 2018-20. Umframt íløguna hjá landinum, hava Tórshavnar kommuna og P/F Eysturoyartunnilin bundið seg til at rinda sínar partar av samlaðu íløguni, svarandi til umleið ávikavist 24 og 30 mió. krónur.

Tá sjálv verkætlanin við Eysturoyartunlinum var til viðgerðar, varð eisini arbeitt eftir tí leisti, at gjøgnumgangandi ferðslan til og úr tunlinum skuldi vera eftir vestara armi á Skálafjørðinum. Hetta var ein av orsøkunum til, at tunnilsmunnin varð fluttur frá Toftavatni til Rókina, tí væntandi fór bara at vera nærferðsla við hendan munnan. Tað vil siga umframt til og úr bygdunum í Nes- og Runavíkar Kommunum á eystaru síðu. Ein orsøk var sjálvandi eisini at varðveita nátturúvakra økið við Toftavatn.

Gøtudalstunnilin
Tá Eysturoyartunnilin letur upp, verður talan um eitt sonevnt ferðslulop við einum ferðsluvøkstri á umleið 2.400 akfør um samdøgrið til og úr Havnini. Harumframt broytist alt ferðslumynstrið, soleiðis at tey, sum fyrr hava koyrt inn eftir Skálafjørðinum fyri at koma til Havnar, nú koyra úteftir fyri at koma suður. Tað vil siga at gjøgnumgangandi ferðslan frá akførum í nærumhvørvinum minkar, meðan fleiri koma úr norðurøkinum ávegis til Havnar. Sambært ferðsluframrokningum verður mett, at ferðslan runt roknað veksur 1.000 akfør á eystara armi á Skálafjørðinum, meðan hon minkar umleið 800 á vestara armi ígjøgnum Skálabotn, um ongar avleiddar verkætlanir verða framdar.  

Í dag er teinurin frá rundkoyringini í Gøtudali til tunnilsmunnan á Strondum umleið 23 kilometrar, men við at gera ein tunnil úr Gøtudali til Skálabotn, og síðani ein umfaringarveg í Skálabotni, fer at bera til at koyra uttan um bygt øki allan vegin úr Gøtudali til Havnar. Kostnaðurin á hesum íløgunum tilsamans er umleið 320 mió. krónur, har av Gøtudalstunnilin, ið verður 3.200 metrar til longdar, stendur fyri 250 mió. krónum. Eftir hetta verður teinurin millum Gøtudal og tunnilsmunnan á Strondum bert 17 kilometrar. Harafturat slepst undan brekkununum báðumegin Gøtueiði.

Niðurstøðan hjá Landsverki er sostatt tann sama, sum hon altíð hevur verið mótvegis teimum avbjóðingum, sum eru í sambandi við økta ferðslutrýstið orsakað av Eysturoyartunlinum.

Nevniliga, at rættast er at gera ein tunnil millum Gøtudal og Skálabotn, veg um Skálabotn, og fáa ein nøktandi Innkomuveg gjørdan í Suðurstreymi. Best hevði verið, um hesar avleiddu verkætlanir vóru klárar, tá Eysturoyartunnilin letur upp fyri ferðslu.   

Fakta/myndatekstir:
Myndin ovast í hesi greinini vísir ferðslutøl eftir Skálafjørðinum við einum Gøtudalstunli, meðan niðara myndin herundir (trýst á myndina, so verður hon størri) vísir hesi tøl, um Gøtudalstunnilin ikki verður gjørdur. Tølini eru ávikavist 3.760 og 5.600 akfør um samdøgrið. Tað vil siga, at trýstið eftir eystara armi ígjøgnum long bygd økir sum Søldarfjørð, Glyvrar, Saltangará og Runavíkina verður munandi økt. Ígjøgnum síðstnevndu verður talan um 1.840 fleiri bilar um samdøgrið, um Gøtudalstunnilin ikki verður gjørdur.

 

Talan er um sergjørt snikkara innbúgv. Útbjóðingartilfarið er alment tøkt á iBinder fram til tilfarið skal latast inn 17. apríl 2018 klokkan 13.00. Lesið meira undir "Útboð" á okkara heimasíðu her

Seinnu árini hevur Landsverk regluliga skipað fyri venjingum í tunlum. Millum annað hava venjingar verið í tunlunum Norður um Fjall, Leynatunlinum, Kollfjarðartunlinum og Norðskálatunlinum. Í gjár var so venjing í Trøllanestunlinum.

Tað er Landsverk, ið hevur ábyrgdina av at skipa fyri eini felags venjing. Venjingin í gjár í Trøllanestunlinum var tann fyrsta av sínum slagi í einum tunli í Kalsoynni.

Tey, ið luttóku í sjálvari venjingini vóru Klaksvíkar Sløkkilið, Politiið og Sjúkraflutningstænastan. Harafturat vóru eisini eygleiðarar við fyri teir ymisku innsatspartarnar.

Bólkurin, sum stóð fyri venjingini fer nú at viðgera eygleiðararfrágreiðingarnar og gera eina felags niðurstøðu saman við innsatspørtunum.

Talan er um samanlagt 11 útboð, harav 9 verða boðin út nú og 2, sum verða boðin út seinni í mánaðinum. Freistin at lata inn tilboð er 5. apríl 2018 klokkan 13.00. Lesið meira undir "Útboð" á heimasíðuni her

Sum størsti byggiharri í landinum arbeiðir Landsverk áhaldandi fyri at betra um trygdina og alt tað, sum hevur við trygd og arbeiðsumhvørvi at gera. Um ikki galdandi trygdarreglur verða hildnar, og vanligt fyrilit ræður, lúra vandarnir beinanvegin.

Nýggjasta átakið er ein talgild skrásetingarskipan, ið Landsverk hevur ment, og sum skjótt verður sett í gildi í sambandi við útbyggingina av Landssjúkrahúsinum.

Við skipanini skulu øll, sum ferðast inn og út av byggiplássinum, skráseta seg. Um nakað skuldi hent, so er altíð yvirlit yvir, hvussu nógv fólk eru á plássinum, og hvørji hesi eru. Harafturat er atgongd til allar neyðugar kontaktupplýsingar á øllum teimum, sum eru á plássinum.

Umframt at vera ein týðandi liður innan trygd, ber til at fáa hagtalsyvirlit umvegis skipanina. Eitt nú um, hvussu nógv fólk verða nýtt til tær ymsu arbeiðstøkurnar og yvir hvussu langa tíð. Til dømis nær ein arbeiðstøka hevur kravt mest fólk, og nær brúk hevur verið fyri færri fólkum.

Tá Landsverk hevur gjørt sær neyðugu royndirnar á byggiplássinum við Landssjúkrahúsið, verður nýggja skipanin væntandi sett í verk á øllum størri byggiplássum, ið Landsverk varðir av sum byggiharri.

Landsverk bjóðaði herfyri út fast innbúgv til Glasir. Útboðið fevndi um níggju ymsar arbeiðstøkur, sum vóru hesar: 1. Ítróttarumhvørvið – 2. Bilverkstaður – 3. Verkstaðssúlur – 4. Timburdeild – 5. Hárfríðkanardeild – 6. Náttúruvísind og El-deild – 7. Stórkøkur – 8. Tékøkar – 9. Sólverja.

Inn komu úr tveimum til fýra tilboð fyri hvørja av teimum níggju ymsu arbeiðstøkunum. Tilsamans 26 tilboð. Lægstu boðini í avrundaðum tølum áttu hesi:

Eikin kr. 455.000 fyri Ítróttarumhvørvið
FTZ kr. 1.955.000 fyri Bilverkstaðin
Maskinhandilin kr. 1.190.000 fyri Verkstaðssúlur
KBI kr. 2.960.000 fyri Timburdeild
Inventartænastan kr. 611.000 fyri Hárfríðkanardeild
Blika kr. 730.000 fyri Náttúruvísind og Eldeild
Elding kr. 3.213.000 fyri Stórkøk
Blika kr. 131.000 fyri Tékøkar
Inventartænastan kr. 1.259.000 fyri Sólverju (gardinur)

Samlaða upphæddin fyri lægstu tilboðini er sostatt 12,5 mió. krónur, og hetta heldur seg innan fyri kostnaðarmetingina, sum frammanundan varð gjørd av hesum arbeiðstøkum.

Ein 10. arbeiðstøka er eftir í sambandi við fast innbúgv á Glasi, og tað er til Maskin- og Smiðjudeildina, har tilboðini skulu vera inni í seinasta lagi 21. februar.

Tað gjørdist klaksvíksfyritøkan, HJ Asfalt, sum fekk handað heiðursprógv fyri Ársins Asfaltarbeiði 2017. Hetta fór fram undir eini ráðstevnu  – Asfaltdagurin 2018 – við undirheitinum “Dygd og menning innan asfaltvinnuna”, sum Landsverk skipaði fyri á Hotel Føroyum fyri fólki í føroysku asfaltvinnuni, ráðgevum, kommunum og øðrum, ið hava við asfaltarbeiðir at gera.

Tað komu inn átta uppskot til heiðurslønina, og dómsnevndin valdi at geva einum asfaltliði hjá HJ Asfalti heiðursprógv fyri asfalteringina av Nýggjavegi í Klaksvík.

Um heiðursprógvið, ið Landsverk sum vegamyndugleiki letur, verður sagt, at “Ársins asfaltarbeiði verður latið einum asfaltliði, ið hevur gjørt eitt dygdararbeiði, og sum hevur framt eitt trygt og ruddiligt avrik í góðum samstarvi við byggiharran.”

Í høvuðsniðurstøðuni hjá dómsnevndini stendur, at arbeiðið er væl gjørt, vegurin er slættur, skoytini eru góð og tøtt, og asfaltið sær út til at verða væl og javnt komprimerað. Í dómsnevndini sótu Albert Pætursson, verkfrøðingur á Landsverki, Jónleif Joensen, fyrrverandi leiðari á Royndarstovuni hjá Landsverki í Hundsarabotni, og Bjarne Bo Lund-Jensen, framleiðsluleiðari hjá NCC Industry í Danmark.

Luttakararnir, ið vóru umleið 110 í tali, lótu sum heild sera væl at innihaldinum á degnum, har átta framløgur vóru hildnar undir hesum heitum: Asfaltarbeiðir, krøv til tilfar, framleiðslu, útlegging og eftirlit – Vegasfaltútbúgvingin – Spælireglur í sambandi við kapping – Prosjektering og eftirlit – Nýtt á Framleiðsludeildini hjá Landsverki – Hvat Royndarstovan kann gera fyri teg – Tá gamlir vegir arga – Feilir á asfalti og bøtingar av hesum.

Hetta var fyrstu ferð, at skipað varð fyri eini slíkum asfaltdegi, og Landsverk hevur ætlanir um, at hetta skal vera eitt afturvendandi tiltak.

Her eru nógvar myndir frá degnum, sum Harriet Olafsdóttir hevur tikið.

 

Freistin at lata inn tilboð er 20. februar 2018 klokkan 13:00. Les meira um hetta undir "Útboð" á okkara heimasíðu her

Freistin at lata inn boð er 5. februar 2018, og skulu hesi sendast við telduposti til allanmag@lv.fo. Meira fæst at vita um bilarnar við at ringja til Allan Magnussen á tel. 290 725

Yvirlit:

1: Royndarborimaskina, Atlas Copco DIAMEC 251 DD4/1600, árgang 1984. Nakað av borirørum og aðrari útgerð fylgir við. Eisini er ein sama slag       maskina við sum eykalutur.

2: Transportørur við fresara/upptakara, Nido Fastload, árgang 2009.

3: Vegtrumla, Dynapac CC322, árgang 2006, 1554 tímar.

4: Skrótibilur, Scania 93H, árgang 1991.

Skeiðið verður hildið í kantinuni hjá Landsverki á Tinghúsvegi 5 í Havn, og tað er Jógvan Elias Thomsen frá iBinder, sum stendur fyri frálæruni. Skeiðið er býtt upp soleiðis, at fyrri partur er ætlaður tilboðsgevarum og tann seinni brúkarum.

Skrá:

08.15–09.45   Skeið fyri tilboðsgevarum

Hesi evnir verða viðgjørd:

– Atgongd og innritan

– Grundleggjandi um brúkaraflatuna

– Mál og tíðarsona

– Heinta og síggja skjøl

– Hvussu senda vit spurningar?

– Samstarv

– Hvussu fáa vit boð, tá okkurt nýtt er?

– Leggja tilboð inn

– Hvat geri eg, tá brúk er fyri hjálp?

– Spurningar


10.00–11.30   Skeið fyri brúkarum

Hesi evnir verða viðgjørd:

– Atgongd og innritan

– Grundleggjandi um brúkaraflatuna

– Mál og tíðarsona

– Heinta og síggja skjøl

– Leggja skjøl og nýggjar útgávur inn

– Metadata og leiting

– Boðskipanin

– Hvussu fáa vit boð, tá okkurt nýtt er?

– Hvat geri eg, tá brúk er fyri hjálp?

– Spurningar

Skeiðið er ókeypis, men luttakaratalið er avmarkað. Tilmeding fer fram við at senda teldupost til: malu@lv.fo í seinasta lagi fríggjadagin 26. januar við at viðmerkja ”iBinder”.

Talan er um samanlagt 10 útboð. Útbjóðingartilfarið er alment tøkt á iBinder, til tilfarið skal latast inn í seinasta lagi 7. februar 2018 klokkan 12.00. Lesið meira, og takið niður útboðstilfarið undir "Útboð" á heimasíðuni her

ÚTBOÐ: Nú skal ein veitari av forvirkaðum bygningi til stovnin Fjálgalon finnast. Talan er um eina heildararbeiðstøku, og freistin at lata inn tilboð er 13. februar 2018 klokkan 14.00. Lesið meira um útboðið undir "Útboð" á okkara heimasíðu her

JOBMATCH: Millum jól og nýggjárs verður starvsstevnan Jobmatch aftur á skránni. Tiltakið verður hósdagin 28. desember klokkan 13.00-19.00 í Norðurlandahúsinum. Landsverk luttekur við bási nr. 42 í Skálanum.

Endamálið við Jobmatch er at skapa eitt 'match' millum føroysk arbeiðspláss og føroysk lesandi úti og heima, soleiðis at føroyska vinnan og stovnar fáa ágóðan av tí vitan, sum føroysk ung hava nomið sær á lærustovni. Samstundis er Jobmatch eitt átak at fáa útisetar okkara heim aftur at liva og virka, og á henda hátt skapa fólka- og búskaparvøkstur.

Skriva uppgávu um okkum
Landsverk hevur seinnu árini tikið fleiri lærlingar og eisini praktikantar inn á stovnin. Á henda hátt verður roynt at skapa karmar fyri teimum lesandi, ið sleppa at royna seg á einum arbeiðsplássi undir lestrartíðini. Eisini ígjøgnum okkara sonevndu summarfuglaskipan hava tey lesandi møguleika fyri at søkja sær arbeiði á Landsverki í summarfrítíðini.

Í ár bjóða vit lesandi at skriva uppgávu um okkum. Við okkum á Jobmatch hava vit fleiri ítøkilig dømir um áhugaverd evni, sum lesandi kundu havt áhuga í at skriva uppgávu um. 

Kom í Norðurlandahúsið tann 28. desember, og hoyr nógv meira um hesi evnir og møguleikar og um okkara fjøltáttaða og spennandi arbeiðspláss. Vit vóna at fáa nógva vitjan á okkara bási nr. 42 inni í Skálanum.